قصيدة محكمة للشاعر هاني جمال

محكمة الحياة موجودة بس العدل مش موجود

ومحامى بيدافع عن مذنب طريقة مسدود

محكمة والمتهم شعب كامل واية رايك يا قاضى

اصل القضية ان الشعب عن غلى الأسعار مش راضى

حتى الهوا بكرة يعملوة بفلوس

والعقل والقلب بل الهموم مكبوس

قام الدفاع وقال كلمة الحق دة ظلم واستغلال

وجم الشهود فى المحكمة كان اغلبهم رجال

قال ان الأسعار غليت والمراتبات زى ما هي

رد القاضى وقال للشاهد اخرج من المحكمة دية

قال الشعب فى كلمة واحدة مظلومين

رد شاهد قال انا بطالب بحقى لحد موصلت سن الستين

قال المحامى لو هتحبسو احبسو الظالم المش قدرين علية

ولا المظلوم عشان ساكت مبيقولش كل دة بيحصل لية

مستنى عدلك يا قاضى قول حكمك من ضميرك

لو كتمت صوت الحق هيخرج من الف غيرك

القاضى قال حكمت المحكمة على المتهمين بل الأعدام

وهتفضل الأسعار غالية والتخفيض تانى دة احلام

قال المحامى بعد القضية تحيا الظلم ولسة يا ناس

كل واحد مستنى الأذمة تعدى ويكون فى منكم احساس

محكمة الحياة ماشية بل الوسايط والمصالح

الطيب والغلبان ملهمش بيها صالح

محكمة...............محكمة

شكرا لك