كل الحاجات فيكى يا دنيا
زى الساعات من غير ثانيه
وأما الصغير يبقى كبير
يصغر وتكبر حاجه تانيه
*************
*************
ولأمتى ح نعيش على دا الحال
السرقه والهبش بقوا حلال
غسلوا العقول شلوك يا خيال
نسيوا إنك الدنيا الفانيه
*************
*************
والعلم لو ما يفيدش الناس
يرفع قيمتهم راح ننداس
فضوها سيرة وعيشوا خلاص
دا كلام قديم وإفرحوا يا عيال
*************
*************
آخر الزمن جابلنا شعراء
بيفنوا أصل الفن دا داء
وملحنين كل النغمات
وأهو كله ع الواحده بينساء
*************
*************
وألا الطرب أبو خسر نحيل
وعيون تسبلك بالليل
توزيع فرانكوا ياعينى أرآب
وأهو رزق دول على دول شغال
*************
*************
وإن قولت إيه دا يقولوا أداء
ما الدنيا أرض وليها سماء
بينهم تشوف كل الألوان
والفن زى الهوا والماء
*************
*************
دا العلم لو مش ح يفيدنا
خلونا جهله ودا بإيدنا
والفن لو من غير إحساس
ما بلاها زن على ودننا
*************
*************
:
موضوع: قصيدة فضوها سيره للشاعر احمد سامي خيري 
